PLPA Sei La Apoiu Francisco Xavier ba PR

Written by Domingos Silva Wednesday, 08 June 2011 13:34

CJITL Flash,Tuir Prezidente Partidu Liberta Povu Ai Leba-PLPA katak partidu PLPA sei la fo Apoiu Ba Francisco Xavier do Amaral ne’ebe mak atu kadidata a’an ba Prezidente da Republika-PR iha periodu 2012-2017.

Tuir Prezidente Partidu PLPA Francisco Gomes ne'ebe'e mos hanesan eis sekretariu jeral partidu ASDT via telephone  ba CJITL online hateten katak PLPA sei la fo apoiu tan ba Francisco Xavier do Amaral ba Prezidente iha Periodu 2012-2017, maibe PLPA fo apoiu nia nudar Proklamador.

“Ami sei la apoiu tan Francisco Xavier, maske hau rasik uluk hanesan Sekretariu Jeral Partidu ASDT nian, maibe agora PLPA hanesan Partidu ketak ida la bele fo apoiu nafatin ba Francisco Xavier” dehan  Francisco via telephone kuarta 08/6.

PLPA sei kandidatura nain tolu ba Prezidente Republika iha periodu 2012-2017, ema ne’ebe mak  PLPA sei kandidatu mak feto ida no mane rua, atu halo kompetisaun iha Eleisaun Prezidensial 2012.

“Ema nain tolu ne’e ami sei dauk bele fo sai lai tanba ida ne’e sei segredu nia laran, wainhira pozisaun ne’e klaru ona ami sei bele fo sai ema ne’e nia naran” inforna Francisco Gomes. (Domingos da Silva/CJITL)